السبت، 10 ديسمبر، 2016

النهارده امتحنت فال idp centre بالدمام - السعوديه

السلام عليكم ورحمه الله وبركاته 
في البدايه اشكر القائمين على هذا الجروب ولكل شخص استفدت منه فيه في خلال مذاكرتي للايلتس 
النهارده امتحنت فال idp centre بالدمام - السعوديه 
IELTS TEST - GENERAL MODULE
وحبيت اشارككم تجربه الامتحان :
- :Listening Section :
- القسم الاول : محادثه بين شخصين عن اشتراك في نادي وبعض الانشطه اللي فيه والاماكن اللي هايروحوه.
- القسم الثاني : مرشده سياحيه في حديقه حيوانات استراليه ( اختيارات ) و ( خريطه ).
- القسم الثالث : اتنين طلبه بيتكلمو عن بحث عملوه عن علاقه الطلاب ببعض وايه اهداف البحث والمنافع من وراه للطلبه ( اختيارات - اكمل ).
- القسم الرابع : واحده بتتكلم عن شخصيه تاريخيه وايه الصعوبات اللي واجهته وليه الناس اتعلقت بيه.
ملاحظاتي : القسم الرابع اصعب من اللي فالامتحانات اللي كنا بنتدرب عليها والكلام فيه سريع شويه ، بينما القسم الثالث اسهل شويه من النماذج اللي بنحلها قبل الامتحان.
- Reading Section :
- القطعه الاولى : محل العاب وكتب لسه بيفتح وفي قطع عن كيفيه الاشتراك ، مين يقدر يشترك ، سياسه الاسترجاع ... الخ ... والاساله تشوف ايه القطع اللي تناسب الجمل اللي مديهالك ( عدد القطع مساوي لعدد الجمل ) 
- القطعه الثانيه : شواطي نيوزلندا ومميزات كل شاطي وايه المعالم اللي فيه ... الاساله عباره عن جمل وتشوف انهي اللي تناسب اسم الشاطيء ووصفه ( عدد القطع ٥ والاسئله ٨ )
- القطعه الثالثه : قطعه عن اكاديميه لرجال الاطفاء وايه الكورسات المطلوبه وايه مخاطر العمل ... الاسئله ٥ عباره عن اختار كلمه واحده من القطعه لاستكمال الجمل.
- القطعه الرابعه : مقال عن كيفيه اعداد خطاب وارساله بطريقه مناسبه .. ونفس اسئله القطعه الثالثه ( اختار كلمتين ) لتكمله الجمل.
- القطعه الخامسه والاخيره : دوره حياه النمل في استراليا .. طويله شويتين وعايزه (وقت) لكن مش صعبه وملحقتش اخلص الاسئله فيها ( لسبب هذكره فالاخر ) ... الاسئله T,F,NG ، اختار ٣ كلمات للرد على سؤال ، اختار عنوان مناسب للقطعه.
- Writing Section :
- Task 1 : خطاب لصديق انك اشتغلت فبلد هو يعرفها كويس وقله ( ايه طبيعه الشغل ) ، ( ليه قدمت عالشغل ) ، ( اساله عن حاجات فالبلد دي بحكم معرفته بيها )
- Task 2 : بعض الناس بيقولو ان الاطفال في الوقت الحالي لديهم مسئوليات اقل من الاطفال زمان ، هل ده ليه نتايج ايجابيه او سلبيه ؟ ... ناقش الفكرتين واذكر رأيك
- Speaking Section :
- اسئله عامه عن الشغل وممارسه الرياضه واللعب في فتره الطفوله.
- اتكلم لمده دقيقتين عن هوايه بتحب تعملها فيومك العادي بعد شغلك او مدرستك ( ايه هيا / بتمارسها كام ساعه يوميا / مكانك المفضل لممارستها ).
- اسئله عن الهوايات برده واختلافها زمان ودلوقتي وبين الرجاله والستات.
انا خوفي الاكبر من ال reading ، ارجو الدعاء لي ربنا يوفقني واحقق ال score اللي انا عايزه 
انا قدمت شكوى بعد الامتحان واتنرفزت وعليت صوتي في امتحان ال reading لان بعد عشر دقايق من الامتحان اللابتوب والبروجيكتور فصلو ومكنش فيه stopwatch يبين فات اد ايه وفاضل ايه وطبعاً دي حاجه توتر ومتعرفش انت فين وقدامك اد ايه ، وفي عمال داخله تصلح وحاجه غير مهذبه على الاطلاق.
مع اني مجربتش ال British council بس سمعت كتير ان ال idp مش محترفين وشفت ده بعيني النهارده.
ارجو للجميع التوفيق في دراستهم وامتحاناتهم 
وارجو الدعاء بالتوفيق
وشكرا لحضراتكم
way2IELTSTOEFL

ArabETS

GrowSkills| Educational & Language Testing institute
IELTS - TOEFL - GRE  -GMAT  -SAT - PTE Academic - IESOL - ISESOL  

ليست هناك تعليقات:

إرسال تعليق